Sossusvlei logo

SOSSUSVLEI LODGE

‘n Eko-vriendelike bestemming – nou met lugversorging

 STUUR E-POS

TUISBLAD
GERMAN
ENGLISH
Tel: +27 (0) 21 855 0395

ANDER NAMIBIE HOTELLE BESPREKING EN PRYS ANDER SOSSUSVLEI LODGE
Sossusvlei Balloon Safari
 

As jy al ooit daarvan gedroom het om oor die barre rooi sandduine van die Namib-woestyn in ‘n warmlugballon te dryf, moet jy by Sossusvlei Lodge by die Sesriem-hek van die Namib Naukluft Park in Namibië gaan kuier.

Die unieke argitektuur van hierdie luukse lodge weerspieël die kleure en atmosfeer van hierdie Afrika-woestyn. Boumateriaal soos modderstene kombineer pragtig met seildoek, en maak Sossusvlei Lodge een van Namibië se elegantste luukse oorde. Geen wonder dat Sossusvlei Lodge in 2006 aangewys is as Namibië se beste lodge nie en ook ‘n silwer toekenning vir uitnemendheid ontvang het.  

By Sossusvlei Lodge word gaste in 45 luukse tentkamers gehuisves, almal en suite met lugversorging, in ‘n gesofistikeerde Afrika-styl. Elke kamer het sy eie balkon, en elke kamer het dus ‘n onvergeetlike uitsig op die Namib-woestyn.

Om in die woestyn te swem is nie iets wat ‘n mens elke dag doen nie – geniet dit dus om in die vonkelende swembad by Sossusvlei Lodge af te koel.

Die kroeg bied ook ‘n vat yskoue Namibiese bier (dit sal enige woestyndors les). Eet in styl onder die uitgestrekte sterrehemel van Namibië – die tradisionele Namibiese fynproewersdisse wat gekomplimenteer word met uitstekende Suid-Afrikaanse wyne sal een van die dinge wees wat jy vir altyd sal onthou.

Vermaak word deur die woestyndiere, soos springbokke en hiënas verskaf wanneer hulle die watergat (met spreiligte) besoek.

Omdat Sossusvlei Lodge so naby aan Sesriem is, bied hulle ‘n aantal begeleide uitstappies na Sossusvlei en die Namib-Naukluft Park in Namibië. Hierdie area is bekend vir reuse sandduine, wat gedurig van vorm en kleur verander.

Eko-vriendelike “quad bike”-uitstappies, vlugte oor die woestynlandskap, sandplankry, skemerkelkie-uitstappies in die woestyn en warmlugballonvlugte sal jou besoek aan Sossusvlei Lodge onvergeetlik maak. Jy kan selfs ‘n ontbyt “quad bike” uitstappie meemaak, waar jy kan sien hoe die son oor die Namib-woestyn opkom, terwyl jy ontbyt geniet wat op ‘n tafel van versteende modder bedien word!

Alhoewel Sossusvlei Lodge by Sesriem ‘n luukse lodge is, is dit ook ‘n eko-vriendelike bestemming. Alle ligte word deur sonkrag aangedryf, en die eko-vriendelike geboue word deur die kameeldoringbome koel gehou.

Jy kan Sossusvlei Lodge in Namibië bereik via ‘n grondpad vanaf Windhoek, Mariental en Swakopmund, maar as jy haastig is om by hierdie luukse lodge gepamperlang te word, sal dit beter wees om ‘n huurvlug vanaf Windhoek te reël.

UNITS SOSSUSVLEI LODGE
Twin room Sossusvlei Lodge Namibia
VIEW FROM ROOM SOSSUSVLEI LODGE
 
Sossusvlei lodge Baloon safari
Bedroom units Sossusvlei Lodge Swimmingpool Sossusvlei Lodge

Jy kan vanaf kaapstad, Johannesburg of Windhoek direk na Walvisbaai vlieg. Dit word aanbeveel dat jy jou eerste nag in Swakopmund oorbly. Die Swakopmund Hotel en Vermaaklikheids Sentrum bied die beste akkommodasie in Swakopmund. Die hotel is in 'n koloniale styl en beslis baie luuks en besonders. Net so intressant is die The Stiltz in die mond van die Swakoprivier en baie naby die strand.

'n Besoek aan Damaraland van Namibië is beslis die moeite werd. Terwyl Sossusvlei bekend is vir sy hoë duine is Damarland, wat ook binne die Namib woestyn is, bekend vir sy besondere rots formasies. Ugab Terrace Lodge kyk uit op die Vingeklip en bied uitstekende akkommodasie net Oos van Khorixas.

BOTSWANA AKKOMMODASIE

Daar is 'n paar plekke in Afrika wat eenvoudig gesien moet word. In Namibie is dit Sossusvlei met sy hoë sanduine en in Botswana is dit die Okavango Delta met die uitstaande wildlewe. Die Thamalakane Rivier lodge is 'n luukse lodge in Maun onderweg na die Okavango Delta.

ZIMBABWE AKKOMMODASIE

Zimbabwe is soos Namibië deel van die Suider-Afrikaanse ontwikkelings gemeenskap. Sossusvlei Lodge beveel daarom ook akkommodasie in Zimbabwe aan. Jy sal heel moontlik vanaf Sossusvlei, via Etosha en die Caprivi na Zimbabwe ry. Jou eerste besoek punt in Zimbabwe sal derhalwe Victoria Valle wees. Ons stel voor dat jy by die Kingdom Hotel binne loop afstand van die watervalle bly. Die koel en klam klimaat van die Oostelike hooglande vorm 'n skerp kontras met die Namib woestyn en Sossusvlei. Ons beveel Troutbeck Inn Hotel naby Nyanga of die Leopard Rock Hotel in the Vumbaberge aan. Beide hotelle bied uitstekende uitsigte, fantastiese klimaat en goeie gholbane aan. By die Great zimbabwe monument beveel Sossusvlei Lodge met groot vertroue die Lodge at the Ancient City aan. Jy kan dieZimbabwe ruines van die lodge sien.

Sossusvlei Lodge